USAID სამართლის უზენაესობის პროგრამა აგრძელებს საგანმანათლებლო ინიციატივების მხარდაჭერას, რომლებიც სასამართლოსა და საზოგადოებას შორის კომუნიკაციას უწყობს ხელს.

28 თებერვალს, მედია სააგენტო ქუთაისის პოსტმა, პროგრამის მხარდაჭერით  ქუთაისის საქალაქო სასამართლოში ვიზიტი მოაწყო, რომელშიც ქუთაისის #23 საჯარო სკოლის 23-მა მოსწავლემ და და ორმა მასწავლებელმა მიიღო მონაწილეობა.

მოსწავლეებს სასამართლოს თავმჯდომარემ ნიკოლოზ მარგველაშვილმა უმასპინძლა და სტუმრებს ქუთაისის საქალაქო სასამართლოს სტრუქტურისა და ფუნქციონირების შესახებ მიაწოდა ინფორმაცია. საუბარი ასევე შეეხო ნაფიც მსაჯულთა სასამართლო პროცესებთან დაკავშირებულ საკითხებს. მოსამართლემ ხაზი გაუსვა ნაფიც მსაჯულთა სასამართლოს მნიშვნელობას და მოსწავლეების კითხვებს უპასუხა ნაფიც მსაჯულთა მიერ განხილული საქმეების ტიპების შესახებ.

მოსწავლეები დაინტერესდნენ მოსამართლის როლით საზოგადოებაში და დასვეს კითხვები თუ რამდენად რთულია გზა, რომელსაც მოსამართლეობის მსურველი გადის. ნიკოლოზ მარგველაშვილმა დამსწრეებს განუმარტა მოსამართლის დანიშვნის პროცესი და ხაზი გაუსვა მოსამართლის მნიშვნელოვან როლს საზოგადოებაში.

ტურის ფარგლებში მოსწავლეებმა დაათვალიერეს მედიაციის ოთახი, სადაც მედიაციისა და მისი როლის შესახებ მიიღეს ინფორმაცია.

მოსამართლემ მოსწავლეებს სისხლის სამართლის პროცესზე დასწრებაც შესთავაზა, რითაც მათ საშუალება მიეცად თავად ენახათ პროცესის მიმდინარეობა და გაცნობოდნენ მასში მონაწილე პირების უფლება-მოვალეობებს.

ღონისძიება ქუთაისის პოსტმა USAID სამართლის უზენაესობის პროგრამის მხარდაჭერით მოაწყო.  მსგავსი სასწავლო ტურები ქუთაისის სააპელაციო, სამტრედიისა და ზესტაფონის რაიონულ სასამართლოებში გაიმართა.