2023 წლის ნოემბერ-დეკემბერში, USAID სამართლის უზენაესობის პროგრამის მხარდაჭერით, იმერეთში დაფუძნებული სამოქალაქო საზოგადოების ორგანიზაციის, ინფორმაციული დეველოპერული ჰაბის (IDH) ორგანიზებით ქუთაისის სკოლებით ათ მოსწავლეს ჩაუტარდა ტრენინგები ადამიანის უფლებების თემებზე. ტრენინგები ჩატარდა იურიდიული დახმარების სამსახურის (LAS) ქუთაისის ბიუროსთან თანამშრომლობით.

LAS-ის წარმომადგენლებმა ესმა ნორაკიამ და გელა სიორდიამ მოსწავლეებს მიაწოდეს ინფორმაცია ბავშვთა და ქალთა უფლებებთან და ასევე რწმენის თავისუფლებასთან დაკავშირებული საკითხების შესახებ. კერძოდ, ტრენერებმა განიხილეს საქართველოს კანონმდებლობა, არსებული გამოწვევები და აღნიშნული ჯგუფების უფლებების დაცვის შესაძლებლობები, ასევე ერთმანეთს შეადარეს ქართული და საერთაშორისო პრაქტიკა.

IDH-მ მოსწავლეები შეარჩია კონკურსის საფუძველზე სამი თემატური სამაგიდო თამაშის შესაქმელად ბავშვთა უფლების, ქალთა უფლებებისა და რწმენის თავისუფლების შესახებ.  მეათე კლასის მოსწავლე მარიამ კოძახიძემ ტრენინგის გამოცდილებაზე საუბრისას აღნიშნა: „ვფიქრობ, რომ ჩვენი უფლებების ცოდნა გვაძლევს საშუალებას გავხდეთ საზოგადოების უფრო აქტიური წევრები, ამიტომ ტრენინგისთვის შერჩეული თემები სასარგებლო იქნება არა მარტო ამ პროექტისთვის, არამედ მის მიღმაც.“

ინფორმაციული დეველოპერული ჰაბის პროექტი, რომელიც USAID სამართლის უზენაესობის პროგრამის მხარდაჭერით ხორციელდება მიზნად ისახავს მეტი ინფორმაცია მიაწოდოს ახალგაზრდებს ადამიანის უფლებების შესახებ სამაგიდო თამაშების შექმნისა და ქუთაისში მოსწავლეებისათვის საპილოტე თამაშების ორგანიზების საშუალებით.