სტუდენტები ეცნობიან რელიგიის თავისუფლებასა და სავალდებულო სამხედრო სამსახურთან დაკავშირებულ საკითხებს
2024 წლის 19 მარტს, USAID სამართლის უზენაესობის პროგრამის მხარდაჭერით, თავისუფალი უნივერსიტეტის სამართლის სკოლამ (FreeUni) ბათუმის შოთა რუსთაველის სახელმწიფო უნივერსიტეტთან თანამშრომლობით ბათუმში უმასპინძლა კონსტიტუციური სარჩელის პრეზენტაციასა და საჯარო ლექციას.
კონსტიტუციური სარჩელის პრეზენტაცია თბილისის თავისუფალი უნივერსიტეტისა და ბათუმის შოთა რუსთაველის სახელმწიფო უნივერსიტეტის სტუდენტების ერთობლივი ღონისძიება იყო, რასაც ოცდაშვიდი სტუდენტი დაესწრო. პრეზენტაციას საქართველოს საკონსტიტუციო სასამართლოში წარდგენილ სარჩელზე, რომელიც „სამოქალაქო აქტების შესახებ“ ორგანულ კანონს ეხება და გვარის შეცვლის ფორმალურ პირობებს არეგულირებს, ბათუმის შოთა რუსთაველის სახელმწიფო უნივერსიტეტის სტუდენტები უძღვებოდნენ. სარჩელი ეჭვქვეშ აყენებს არსებულ კანონმდებლობას, რომელიც ზღუდავს პირის უფლებას შეიცვალოს გვარი, მისთვის მისაღები გვარებით, რაც განსაკუთრებულ პრობლემას წარმოადგენს ეთნიკური უმცირესობებისთბის, რომლებსაც არ შეუძლიათ თავიანთი ისტორიული გვარების აღდგენა მოქმედი სამართლებრივი რეგულაციებით.
პრეზენტაციის შემდეგ ვასილ ჟიჟიაშვილმა [FreeUni-ის მოწვეულმა ლექტორმა] ჩაატარა საჯარო ლექცია რელიგიის თავისუფლებისა და სავალდებულო სამხედრო სამსახურის შესახებ. ლექციას 29 სტუდენტი დაესწრო, რომლებმაც 2023 წელს საქართველოს პარლამენტის მიერ ახალი თავდაცვის კოდექსის მიღების საფუძველზე გამოწვეული შედეგები განიხილეს. კოდექსი ადგენს სავალდებულო სამხედრო ან ალტერნატიულ არასამხედრო მსახურებას ყველა რელიგიის წარმომადგენელს, გარდა მართლმადიდებელი ეკლესის მსახურებისა. ლექციაზე იმსჯელეს ადამიანის უფლებათა ევროპული სასამართლოს პერსპექტივაზე რელიგიის თავისუფლებისა და სავალდებულო სამხედრო სამსახურის შესახებ, ასევე ახალი თავდაცვის კოდექსის ადამიანის უფლებათა საერთაშორისო სტანდარტებთან შესაბამისობის საკითხზე. ღონისძიება ბათუმის შოთა რუსთაველის სახელმწიფო უნივერსიტეტის სტუდენტების ჩართულობით საინტერესო დისკუსიით დასრულდა.
