2024 წლის 25 სექტემბერსა და 10 ოქტომბერს, USAID სამართლის უზენაესობის პროგრამამ საქართველოს და სულხან-საბას ორბელიანის უნივერსიტეტებში ორი ლექცია გამართა, რომელიც საზოგადოებაზე ორიენტირებულ მართლმსაჯულებას (PCJ) და მართლმსაჯულების მისაწვდომობას ეხებოდა. ლექციებს იურიდიული ფაკულტეტების 70-ზე მეტი სტუდენტი ესწრებოდა.

პროგრამის მრჩეველმა საზოგადოების ჩართულობის საკითხებში, თიმ ბუნიევაცმა ისაუბრა საზოგადოებაზე ორიენტირებული მართლმსაჯულების შესახებ და უპასუხა სტუდენტების კითხვებს. მან წარმოადგინა სასამართლოსა და საზოგადოებას შორის ჩართულობის გლობალური პრაქტიკის მაგალითები და მონაწილეებს გააცნო სასამართლოსთან ურთიერთობის წარმატებული მაგალითები, რამაც შეიძლება საზოგადოების უფრო დიდი ნდობა გამოიწვიოს სასამართლო სისტემის მიმართ.

პროგრამის სპეციალისტი საზოგადოების ჩართულობის საკითხებში, მარიამ გობრონიძე სტუდენტებს ესაუბრა სამართლიანი სასამართლოს მნიშვნელობაზე და სასამართლოს როლზე სოციალურ კეთილდღეობაში, განიხილა მართლმსაჯულების მისაწვდომობის ბარიერები, როგორიცაა დაბალი სამართლებრივი ინფორმირებულობა, ხელმისაწვდომობის საკითხები და ფინანსური, კულტურული და სოციალური გამოწვევები.

საქართველოს უნივერსიტეტის სამართლის სკოლის ხარისხის უზრუნველყოფის მენეჯერმა, ქეთევან გივიშვილმა და სულხან-საბას უნივერსიტეტის იურიდიული ფაკულტეტის დეკანმა, გიორგი გორაძემ მადლობა გადაუხადეს USAID სამართლის უზენაესობის პროგრამას და ამერიკელ ხალხს საქართველოს მხარდაჭერისთვის, და ხაზი გაუსვეს უნივერსიტეტებსა და პროგრამას შორის თანამშრომლობის კიდევ უფრო გაღრმავების მნიშვნელობას.