ილიას სახელმწიფო უნივერსიტეტის სამართლის სკოლის ადამიანის უფლებათა კინოკლუბმა, USAID სამართლის უზენაესობის პროგრამის მხარდაჭერით, მოაწყო ფილმის ჩვენება და დისკუსია სახელწოდებით "12 გაკვეთილი" ფილმის რეჟისორ გიორგი მრევლიშვილთან, Mac Georgia-ის საოჯახო და სათემო მომსახურების კოორდინატორთან, დიანა ჯანაშიასთან,  და ჯერემი გასკილთან, Mac Georgia-ს მთავარი აღმასრულებელი დირექტორთან ერთად.

„12 გაკვეთილი“ გურიაში მცხოვრებ ვალერი კოტრიკაძის ისტორიას მოგვითხრობს, რომელიც ცდილობს თავისი აუტისტი შვილიშვილის საზოგადოებაში ინტეგრირებას. ფილმი ეფექტურად ასახავს აუტისტური სპექტრის ადამიანების წინაშე მდგარ გამოწვევებს ცხოვრების სხვადასხვა ეტაპზე და Mac Georgia-ს  ამ მიმართულებით გაწეულ სამუშაოს.

ფილმის ჩვენების  შემდგომ დისკუსიას გაუძღვა ილიას სახელმწიფო უნივერსიტეტის იურიდიული სკოლის სტუდენტი აიჰან ჰასანლი. მომხსენებლები აუდიტორიასთან ერთად ჩაერთვნენ დისკუსიაში ფილმის შინაარსზე, ხელმისაწვდომ რესურსებსა და აუტიზმის სპექტრის ბავშვების პროგრამებზე.

დაისვა კითხვები საქართველოში აუტიზმთან დაკავშირებული სტატისტიკის არარსებობასთან დაკავშირებით,  ამ სფეროში პროფესიონალების დეფიციტთან და ამ რეალობის დაძლევის პოტენციურ გადაწყვეტებთან დაკავშირებით. დისკუსიის განმავლობაში სამოქალაქო განათლების მასწავლებლებმა და აუტიზმის სპექტრის მქონე ბავშვების მშობლებმა თავიანთი გამოცდილება და იდეები გაუზიარეს.