2024 წლის 11 მარტს, საქართველოს ორმა წამყვანმა ადვოკატმა, ზვიად კორძაძემ და ნინო ბოგვერაძემ საზოგადოებას ახალი სახელმძღვანელო გააცნეს, რომელიც შექმნილია სტუდენტებისა და ახალგაზრდა პროფესიონალების ხელშეკრულების შედგენის უნარებით აღჭურვის მიზნით. წიგნის შექმნა USAID სამართლის უზენაესობის პროგრამამ დააფინანსა.
ღონისძიების დროს, რომელსაც ესწრებოდა დაახლოებით 80 მონაწილე (მოსამართლეები, იურისტები, პროფესორები, სტუდენტები და არასამთავრობო ორგანიზაციების წარმომადგენლები) ავტორებმა ისაუბრეს სახელმძღვანელოს შექმნის პროცესის შესახებ და მიმოიხილეს სახელმძღვანელოს შინაარსიც. მათ განმარტეს, რომ წიგნი მოიცავს ხელშეკრულების შედგენის მნიშვნელოვან ასპექტებს, როგორიცაა საჭირო ინფორმაციის შეგროვება, მხარეთა პოზიციების გაგება და მკაფიო და ზუსტი დებულებების დაწერა. ის ასევე მოიცავს პრაქტიკულ სავარჯიშოებს, რათა დაეხმაროს მკითხველს ისწავლონ როგორ შეადგინონ კონტრაქტები სხვადასხვა სიტუაციებისთვის.
დამსწრე საზოგადოებას მიმართა USAID სამართლის უზენაესობის პროგრამის ხელმძღვანელმა გიორგი ჩხეიძემ, რომელმაც ხაზი გაუსვა პროგრამის მხარდაჭერას საქართველოში იურიდიული განათლების მიმართ და აღნიშნული სახელმძღვანელოს მნიშვნელობას იურიდიულ საზოგადოებაში.
სახელმძღვანელოს პრეზენტაციის დროს ზვიად კორძაძემ ისაუბრა იმაზე, თუ როგორ განავითარებს წიგნი სტუდენტების უნარებს და გააუმჯობესებს საქართველოში იურისტების მიერ წარმოებული იურიდიული დოკუმენტაციის ხარისხს. შეკრებილ საზოგადოებას სიტყვით მიმართა ქართულ-ამერიკული უნივერსიტეტის სამართლის დეკანმა ზაზა რუხაძემ და განმარტა, თუ როგორ დაეხმარება წიგნი არა მხოლოდ მისი იურიდიული ფაკულტეტის სტუდენტების, არამედ იურიდიულ პროფესიის/მომავალ თაობის სამართლებრივი უნარების გაუმჯობესებას.
